သင်အာ ဆိုင်ခွဲကို ၅.၆.၁၉၉၆ ခုနှစ် အမှတ် (၃၀၉)၊ အနော်ရထာလမ်း(ယခင်ကျုံးကြီးလမ်း) နှင့် (၄)လမ်းထိပ်၊ လမ်းမတော်မြို့နယ်တွင် စတင်ဖွင့်လှစ်ခဲ့ပါတယ်။​​​

မြိတ်အစားအစာ နှင့် “ရွှေဘဲ” အစားအစာများကို တွဲဖက်ရောင်းခဲ့တာ ဖြစ်ပြီး “သင်အာ” ရဲ့ နာမည်ကြီး မြိတ်အစားအစာ တွေက ကမာဆီ ခေါက်ဆွဲ၊ ကတ်ကြေးကိုက်၊ အခေါက်ကင်၊ အခေါက်ကင်လမ္မလော၊ အသားကင်၊ အသားကင်လမ္မလော၊ ကဏန်းစိမ်းပေါင်း၊ ဖက်ထုပ်ဘာလီချိုချဉ်၊ ငါးကောင်လုံးဘာလီချိုချဉ် နှင့် ဝက်လျှာသုပ် တို့ဖြစ်ပါတယ်။​​​

၁၉၉၉ ခုနှစ်မှ ၂၀၀၂ ခုနှစ်အထိ (၃)နှစ်တိုင်တိုင် ဝါတွင်း(၃)လလုံး တစ်ရက်လျှင် သတ်မှတ်ထားသော ဟင်းပွဲ (၂)ပွဲအား အထူးလျှော့ဈေး (၉၉)ကျပ်နှုန်းဖြင့် ရောင်းချပေးခဲ့သောကြောင့် ဧည့်သည်များ၏ အသိအမှတ်ပြုခြင်းကို ရရှိခဲ့ပါတယ်။​